page hit counter
Saturday , November 25 2017
Breaking News
Home / ක්‍රීඩා පුවත් / පාකිස්තානු ටෙස්ට් පිලේ නායක මිස්බා උල් හක් 99න් වාර්තාපොතට

පාකිස්තානු ටෙස්ට් පිලේ නායක මිස්බා උල් හක් 99න් වාර්තාපොතට

ටෙස්ට් ඉනිමකදී ලකුණු 99ක් ලබා සිටියදී දැවීයාමෙන් හෝ ඉනිම අවසන් වීමෙන් නොදැවි සිටීමෙන් වැඩිම වාර ගණනකදී පිටියෙන් ඉවත්වූ පිතිකරුවා ලෙස පාකිස්තානු ටෙස්ට් පිලේ නායක මිස්බා උල් හක් ඊයේ වාර්තාපොතට එක්විය.බටහිර ඉන්දීය කොදෙව් පිලට එරෙහිව බ්‍රිජ්ටවුන් නුවර පැවැත්වෙන දෙවැනි ටෙස්ට් තරගයේ තුන්වැනි දිනය වූ ඊයේ පාකිස්තානු පළමු ඉනිමේදී ලකුණු 99කට දැවීයාමෙන් තුන්වැනි වරටත් එවැනි ඉරණමකට ගොදුරු වූ මිස්බා මේ වාර්තාවට හිමිකම් කීවේය.

ඊට පෙර 2011 වසරේ නවසීලන්තයට එරෙහිව පැවැති ටෙස්ට් තරගයේදී පළමුවරට ලකුණු 99ට දැවී ගිය මිස්බා කොදෙව්වන්ට එරෙහිව පැවැත්වෙන ටෙස්ට් තරගමාලාවේ පළමු ටෙස්ට් තරගයේ පාකිස්තානු පළමු ඉනිම නිමාවට පත්වීමෙන් ලකුණු 99ක් ලබා නොදැවී පිටියෙන් ඉවත්විය. මෙවර තරගමාලාවේ පළමු ටෙස්ට් තරගය පාකිස්තානය කඩුලු 7කින් ජයගත් අතර දෙවැනි ටෙස්ට් තරගයේ තුන්වැනි දිනය නිමාවනවිට කොදෙව් පිල සිය දෙවැනි ඉනිමට කඩුලු 2ක් දැවී ලකුණු 40ක් ලබා සිටියේය. පළමුව පන්දුවට පහරදුන් කොදෙව් පිල ලකුණු 312ක් ලබාගත් අතර පාකිස්තානු පිල සිය පළමු ඉනිමට රැස් කළ ලකුණු සංඛ්‍යාව 393කි

Check Also

ආර්. ප්‍රේමදාස ක්‍රීඩාංගණයට අද දැඩි රැකවල් – ආරක්‍ෂාව සඳහා පොලිස්‌ නිලධාරීන් 1000ක්

කොළඹ ආර්. ප්‍රේමදාස ක්‍රීඩාංගණයේ අද (31 වැනිදා) පැවැත්වීමට නියමිත ඉන්දීය – ශ්‍රී ලංකා සිව්වැනි එක්‌දින …

Leave a Reply

Your email address will not be published. Required fields are marked *

error: Content is protected !!