page hit counter
Saturday , November 25 2017
Breaking News
Home / දේශපාලන / දයාසිරි, සියඹලාපිටිය, චන්දිම, විජයමුණි ඉවතට | කැබිනට් සංශෝධනයට සියල්ල සූදානම්!!

දයාසිරි, සියඹලාපිටිය, චන්දිම, විජයමුණි ඉවතට | කැබිනට් සංශෝධනයට සියල්ල සූදානම්!!

සෙනසුරු අපලය ලෙස “අද නොවෙයි හෙට” අයුරින් දිග්ගැස්සෙමින් පවතින කැබිනට් සංශෝධනය සඳහා මෛත්‍රීපාල සිරිසේන මහතාගේ නායකත්වයෙන් යුතු ශ්‍රී ලංකා නිදහස් පක්ෂය මේ වන විට සූදානම් බව එම පක්ෂයේ අභ්‍යන්තර ආරංචි මාර්ග පවසයි.

ඒ අනුව ක්‍රීඩා අමාත්‍ය දයාසිරි ජයසේකර, විදුලි බල හා පුනර්ජනනීය බලශක්ති අමාත්‍ය රංජිත් සියඹලාපිටිය, ඛණිජ තෙල් අමාත්‍ය චන්දිම වීරක්කොඩි හා වාරිමාර්ග හා ජලසම්පත් කළමනාකරණ අමාත්‍ය විජිත් විජයමුණි සොයිසා වැනි අමාත්‍යවරුන්ගේ තනතුරු අහිමි වීමට බොහෝ දුරට ඉඩ ඇති බව සඳහන්.

ඉහත කී අමාත්‍ය පිරිසෙන් එක් අයෙකු කැබිනට් මණ්ඩලයේ හිදිමින් හිටපු ජනාධිපති මහින්ද රාජපක්ෂ මහතාට ආණ්ඩුවේ සියළු ‍තොරතුරු ලබාදෙන පුද්ගලයෙකු බව රාජ්‍ය බුද්ධි සේවය (SIS) මගින් පවා තහවුරු කර තිබේ. මෙම පුද්ගලයා පිළිබඳව ජනාධිපතිවරයා තදබල කලකිරීමකින් සහ කෝපයෙන් පසුවන බව පක්ෂ අභ්‍යන්තර ආරංචි මාර්ග සඳහන් කරයි.

අනෙක් අමාත්‍යවරුන් සිය පදවි අහිමිකර ගැනීමට හේතු වී ඇත්තේ එකී ධූරයන් පිළිබඳව ඔවුන් දක්වන අකාර්යක්ෂමභාවයයි (Non performers).ඔවුන්ගෙන් හිස්වන ධූර සඳහා ජේෂ්ඨ අමාත්‍ය එස්.බී. දිසානායක, සරත් අමුණුගම, ඩිලාන් පෙරේරා සහ තිලංග සුමතිපාල පත් කිරීමට නියමිත බව සඳහන්.

එජාපය තවදුරටත් නොවෙනස්
කැබිනට් සංශෝධනයේදී එජාපයේ වෙනස්වන තනතුරු පිළිබඳව කළ විමසීමකදී, එජාපයේ ජේෂ්ඨයෙකු පවසා සිටියේ අගමැතිවරයා තමන්ගේ අමාත්‍යවරුන් පිළිබඳව තබා ඇති විශ්වාසය ඔවුන් කඩ කොට නැති බැවින් හා තම විෂය පථය තුළ ඔවුන් පසුගිය වසර 2 ක කාලය තුළ ලබා ගෙන ඇති ප්‍රගතිය පිළිබඳව අගමැතිවරයා සෑහීමකට පත්වී ඇති බැවින් තනතුරු සංශෝධනය නොවන බවයි.

අප කලින් වාර්තා කළ ආකාරයට අගමැතිවරයා ජනාධිපතිවරයාට ස්ථිරව ප්‍රකාශ කර ඇත්තේ ජාතික ආණ්ඩුවේ අවබෝධතා ගිවිසුම ප්‍රකාරව එජාපයට අයත් අමාත්‍යංශ පිළිබඳව එජාපයටත් ශ්‍රීලනිපයට අයත් අමාත්‍යංශ පිළිබඳව ශ්‍රීලනිපයටත් තීරණ ගැනීමට ඉඩ හැරිය යුතු බවකි.

කෙසේ නමුදු ජනාධිපති මෛත්‍රීපාල සිරිසේන මහතා මේ මස 23 වෙනිදා ඕස්ට්‍රේලියාව බලා යාමට නියමිත අතර මේ මස 28 වෙනිදා අග්‍රාමාත්‍ය රනිල් වික්‍රමසිංහ මහතා ඇමරිකා එක්සත් ජනපදය බලා යාමට නියමිත වේ.

-Dලංකා නිවුස් වෙබ්

 

Check Also

බුද්ධශාසන අමාත්‍යංශයට බෑ..මුස්ලිම් පල්ලි ඉදිකීමේ බලය අපට දෙන්න

මුස්‌ලිම් පල්ලි ඉදිකිරීම සම්බන්ධයෙන් අනුමැතිය දීමට බුද්ධශාසන අමාත්‍යාංශයට ඇති බලය ඉවත් කරන ලෙස ඇමැති රිෂාඩ් …

Leave a Reply

Your email address will not be published. Required fields are marked *

error: Content is protected !!