page hit counter
Tuesday , January 16 2018
Breaking News
Home / උණුසුම් පුවත් / Bodu Bala Sena / මහරගම මුස්ලිම් කඩ ගිනිතැබුවේ බොදු බල සේනා සාමාජිකයෙක් : ඥානසාර විජේදාස රහසිගතව හමුවෙලා: අතරමැදියා ගෝඨා

මහරගම මුස්ලිම් කඩ ගිනිතැබුවේ බොදු බල සේනා සාමාජිකයෙක් : ඥානසාර විජේදාස රහසිගතව හමුවෙලා: අතරමැදියා ගෝඨා

රටේ ජාතිවාදය ඇවිස්වීමේ අරමුණින් මහරගම සහ විජේරාම ප්‍රදේශයේ මුස්ලිම් කඩ කිහිපයකට පෙට්ට්‍රල් බෝම්බ ගසා ගිනි තැබීමේ වෛරී අපරාධ (Hate Crime) වලට සම්බන්ධ පුද්ගලයකු මහරගම ප්‍රදේශයේ දී පොලිස් බුද්ධි නිලධාරීන් කණ්ඩායමක් විසින් (08) අලුයම අත්අඩංගුවට ගන්නා ලදී.

ගිනි තැබීමට ලක් වුු වෙළෙඳ සැල් අවට සවිකර තිබූ සීසීටීවී කැමරා වල ප්‍රතිරූපන අනුව පරීක්ෂණ පවත්වා මෙම සැකකරු හඳුනාගෙන ඔහු අත්අඩංගුවට ගෙන ඇත.

අත් අඩංගුවට පත් පුද්ගලයා මහරගම පාසල් මාවතේ අංක 67 ඒ ලිපිනයේ පදිංචි වන්නිආරච්චිගේ කසුන් කුමාර (33) නැමැත්තෙකු බවත් ඔහු මහරගම දෙහිවල පාරේ භෝජනාගාරයක සේවය කරන්නකු බවත් පොලිසිය සඳහන් කරයි. සැකකරු බොදුබල සේනා සංවිධානයේ යාව ජීව සාමාජිකයකු බවටද තොරතුරු හෙළි වී තිබේ.

මොහු රාත්‍රී කාලයේ පාපැදියකින් පැමිණ වසා ඇති වෙළෙඳ සැල් වෙත යන අයුරුත් ඒ සමග වෙළෙඳ සැල් දෙසින් ගිනි ජාලා නැගෙන අයුරුත් සීසීටීවී කැමරා ප්‍රතිරූපන වල සටහන්ව තිබිණ. (විජේරාමේ සිද්ධියේ සීසීටීවී දර්ශනයක් මෙහි පහත දැක්වේ)

පසුගිය මැයි මස 22 දා මහරගම හයිලෙවල් පාරේ වෙළෙද සැලකට ද, මැයි මස 24 දා විජේරාමේ ඖෂධ අලෙවි හලකට ද, ඉකුත් ජුනි 6 වැනි දින යලි විජේරාමේ පිහිටි කුෂන් වෙළඳ සලකටද සහ ඊයේ 7 දින මහරගම පිහිටි තවත් වෙළෙඳ සැලකට ද ගිනි තබා තිබූ අතර ගිනි තැබීම් වලින් එම වෙළෙද සැල් වලට විශාල හානි සිදුව තිබිණ.

සැකකරු මෙම වෙළෙදසැල් ගිනි තැබුවේ කාගේ අවශ්‍යතාවකට යන්න හෙළි කර ගැනීමට බස්නාහිර පළාත් බුද්ධි නිලධාරීන් සහ මිරිහාන පොලිස් බුද්ධි නිලධාරීන් සැකකරු සම්බන්ධයෙන් වැඩිදුර පරීක්ෂණ පවත්වති.

මේ අතර ලංකා ඊ නිව්ස් අභ්‍යන්තර තොරතුරු සේවය වෙත වාර්තා වන අන්දමට බොදු බල සේනා නායක ගලගොඩඅත්තේ ඥානසාර නමැති සිවුරුකරු පසුගිය කාලයේ අවස්ථා රැසකම මහරගම ප්‍රදේශය නියෝජනය කරන කොළඹ දිස්ත්‍රික් පාර්ලිමේන්තු මන්ත්‍රී අධිකරණ ඇමැති විජේදාස රාජපක්ෂ මහතා රහසිගතව හමුවී තිබේ. ඒ සෑම අවස්ථාවකදීම ඥානසාර ඇමැති හමුවීමට එන බව විජයදාස රාජපක්ෂට දැනුම් දී අවස්ථාව සලසා දී ඇත්තේ හිටපු ආරක්ෂක ලේකම් ගෝඨාභය රාජපක්ෂ බවද වාර්තා වේ. සමහර දිනවල විජේදාස රාජපක්ෂ පාර්ලිමේන්තු නොගොසින් ඥානසාර හමුවීමට නිවසට වී බලා හිඳ තිබේ. අවශ්‍ය අයෙකුට මේ සම්බන්ධයෙන් විජයදාස රාජපක්ෂගේ නිවසේ දුරකථනයට ලැබී ඇති දුරකථන ඇමැතුම් පරීක්ෂා කිරීමෙන් සත්‍ය අසත්‍යතාවය දැන ගත හැකිය.

වෛරී අපරාධ සම්බන්ධයෙන් පොලිසියට පැමිණිලි ලැබී ඇති ගලගොඩඅත්තේ ඥානසාර මෙතෙක් අත් අඩංගුවට ගත්තේ නැත. පොලිසිය බාර ඇමැතිවරයා හෝ පොලිස්පතිවරයා හෝ ඔහුව අත් අඩංගුවට ගැනීම පොලිසියේ අපරාධ පරීක්ෂණ දෙපාර්තමේන්තුව වන සීඅයිඩියට බාර දී ද නැත.

-ලංකා ඊ නිව්ස්

Check Also

‘‘දුවගේ සැත්කම වැරදුණා කියලා මාධ්‍යට ප්‍රකාශ දෙන්න ලෑස්ති වෙන්න එපා..‘‘ මහනුවර රෝහලේ ප්‍රධාන වෛද්‍යවරියගේ කෙරුවාව මෙන්න

‘‘ඔයාලගේ දුවගේ සැත්කම ධන පැත්තට හැරෙන්නත් පුළුවන් සෘණ පැත්තට හැරෙන්නත් පුළුවන්. හැබැයි සෘණ පැත්තට හැරුණා …

Leave a Reply

Your email address will not be published. Required fields are marked *

error: Content is protected !!