page hit counter
Wednesday , January 17 2018
Breaking News
Home / උණුසුම් පුවත් / Bodu Bala Sena / ජුලි 18 දා උසාවි නාවොත් ඥනසාර හිමි අත්අඩංගුවට

ජුලි 18 දා උසාවි නාවොත් ඥනසාර හිමි අත්අඩංගුවට

උසාවියට අපහාසයක්‌ කළැයි චෝදනා එල්ල වී සිටින ගලගොඩඅත්තේ ඥනසාර හිමියන්ට එරෙහිව නීතිපති පැවරූ නඩුව ලබන ජුලි 18 දාට විභාගයට ගැනීමට ඊයේ (12 දා) තීරණය කළ අභියාචනාධිකරණය එදින උසාවියට නොපැමිණියහොත් උන්වහන්සේ අත්අඩංගුවට ගැනීමට වරෙන්තුවක්‌ නිකුත් විය හැකි යෑයි සඳහන් කළේය.

ගලගොඩඅත්තේ ඥනසාර හිමියන් ඊයේත් උසාවියට පැමිණ සිටියේ නැත. ජනාධිපති නීතිඥ ටිරන්ත වරලියෑද්ද මහතා උන්වහන්සේ වෙනුවෙන් පෙනී සිටි අතර ඔහු පැවසුවේ උන්වහන්සේට මරණ තර්ජන ඇති බවත්, මතු ආරක්‌ෂාව සඳහා උන්වහන්සේ වගකිව යුතු අංශවලට පැමිණිලි කර ඇති අතර එම පැමිණිලි විභාග වෙමින් පවතින බවයි. ඒනිසා උන්වහන්සේට එරෙහි නඩු විභාගයක්‌ පැවැත්වීම දින නියමයක්‌ නැතිව පසුවට කල්තබන ලෙසද ජනාධිපති නීතිඥ වරලියෑද්ද මහතා ඉල්ලා සිටියේය.

එහෙත් නීතිපති වෙනුවෙන් පෙනී සිටි නියෝජ්‍ය සොලිසිටර් ජනරාල් රොශාන්ත බාලසූරිය මහතා දැඩිව ඉල්ලා සිටියේ ගලගොඩඅත්තේ හිමි දුටු තැන අත්අඩංගුවට ගැනීමට වරෙන්තුවක්‌ නිකුත් කරන ලෙසයි.

අභියාචනාධිකරණය ඊට ප්‍රතිචාර දක්‌වමින් සඳහන් කළේ ගලගොඩඅත්තේ හිමියන්ට එරෙහි නඩුව විභාගයට දින නියම කරන බවයි. එදිනට නොවරදවාම උසාවියට පැමිණෙන ලෙස උන්වහන්සේට දන්වන ලෙසද අභියාචනාධිකරණය ජනාධිපති නීතිඥ වරලියෑද්ද මහතාට නියෝග කළේය.

ලබන ජුලි 18, 19 සහ 20 යන දිනවල සවස 2.00 ට නඩුව විභාගය ගැනීමටද නියම කෙරිණි.

-දිවයිව පුවත්පත

Check Also

‘‘දුවගේ සැත්කම වැරදුණා කියලා මාධ්‍යට ප්‍රකාශ දෙන්න ලෑස්ති වෙන්න එපා..‘‘ මහනුවර රෝහලේ ප්‍රධාන වෛද්‍යවරියගේ කෙරුවාව මෙන්න

‘‘ඔයාලගේ දුවගේ සැත්කම ධන පැත්තට හැරෙන්නත් පුළුවන් සෘණ පැත්තට හැරෙන්නත් පුළුවන්. හැබැයි සෘණ පැත්තට හැරුණා …

Leave a Reply

Your email address will not be published. Required fields are marked *

error: Content is protected !!