page hit counter
Saturday , September 23 2017
Breaking News
Home / උණුසුම් පුවත් / school girl sad story / බාලවයස්කාර දැරියකට ලිංගික අතවර කළ හිටපු පොලිස් ස්ථානාධිපති වසර 19ක් හිරේ

බාලවයස්කාර දැරියකට ලිංගික අතවර කළ හිටපු පොලිස් ස්ථානාධිපති වසර 19ක් හිරේ

බාලවයස්කාර දැරියක් මව්පිය භාරකාරත්වයෙන් අපහරණය කිරීම හා ඇයට ලිංගික අතවර කිරීම යන චෝදනාවලට වරදකරු වූ උතුරු කළුතර පොලිසියේ හිටපු පොලිස් ස්ථානාධිපති ප්‍රධාන පොලිස් පරීක්ෂක හැරල්ඩ් රෙක්ස් ජෑන්ස් යන අයට බරපතළ වැඩ සහිත වසර 19 ක සිරදඬුවමක් (27) කළුතර මහාධිකරණයේදී නියම කළ මහාධිකරණ විනිසුරු අමල් තිලකරත්න මහතා වින්දිත දැරියට රුපියල් ලක්ෂ 10 ක වන්දි මුදලක් ගෙවන ලෙසට නියම කළේය.

2008 වසරේ ජූනි මස 23 හෝ ඊට ආසන්න දිනයකදී කළුතර දී වයස අවුරුදු 16 ට අඩු බාලවයස්කාර දැරියක් මාපිය භාරකාරත්වයෙන් අපහරණය කරන ලදැයි ද, ඇයට ලිංගික අතවර කරන ලදැයි ද කියමින් නීතිපතිවරයා විසින් මොහුට එරෙහිව මෙසේ නඩු පවරා තිබුණි.

පළමුවැනි චෝදනාවට බරපතළ වැඩ සහිත වසර 12 ක සිරදඬුවමක් ද වින්දිත දැරියට රුපියල් ලක්ෂ 10 ක වන්දි මුදලක් ද ගෙවන ලෙස නියම කළ විනිසුරුවරයා එම වන්දි මුදල නොගෙවන්නේ නම් බරපතළ වැඩ සහිත තවත් වසර 02 ක සිරදඬුවමක් නියම කරන බව ද ප්‍රකාශ කළේය.

දෙවන චෝදනාවට වසර 07 ක බර වැඩ සහිත සිරදඬුවමක් හා රුපියල් විසිදාහක දඩයක් නියම කළ විනිසුරුවරයා දඩ මුදල නොගෙවන්නේ නම් වසරක සැහැල්ලු වැඩ සහිත සිරදඬුවමක් නියම කරන බව ප්‍රකාශ කළේය.

බාලවයස්කාර දැරියක් නීත්‍යානුකූල භාරකාරත්වයෙන් අපහරණය කිරීම ශ්‍රී ලංකා දණ්ඩ නීති සංග්‍රහයේ 357 වන වගන්තිය ප්‍රකාරව දඬුවම් ලැබිය යුතු වරදක් බවත්, බාලවයස්කාර දැරියක් ලිංගික අපයෝජනය ලබාගැනීම සඳහා උපයෝගී කොට ගැනීම 1998 අංක 22 දණ්ඩ නීති සංග්‍රහයේ (සංශෝධිත) පනතේ සංශෝධිත දණ්ඩ නීති සංග්‍රහයේ 365 අ (2) (ආ) වගන්තිය ප්‍රකාරව දඬුවම් ලැබිය යුතු වරදක් බවත් මෙහිදී ප්‍රකාශ කෙරිණි.

පැමිණිල්ල වෙනුවෙන් 2008 ජූලි මස 25 වන දින වින්දිත දැරිය ළමාරක්ෂක අධිකාරියේ කාන්තා පොලිස් කොස්තාපල් (4449) ජානකී සහ උප පොලිස් පරීක්ෂිකා මාලනී යන මහත්මීන් අතර මෙම අපරාධයට අදාළව ජාතික ළමාරක්ෂක අධිකාරියේ ශ්‍රවණාගාරයේදී 1995 අංක 14 දරන සාක්ෂි විශේෂ විධිවිධාන පනතේ 163 ඒ වගන්තිය යටතේ පවත්වන ලද සම්මුඛ සාකච්ඡාවේ වීඩියෝ සාක්ෂිය සහ එහි මුද්‍රිත පිටපත ඉදිරිපත් කර ඇති බවත්, සම්පූර්ණ නඩුවම එම වීඩියෝගත සාක්ෂිය මත රඳාපවතින බවත්, තීන්දුව ප්‍රකාශයට පත්කරමින් විනිසුරුවරයා ප්‍රකාශ කරන ලදී.

පසුව දැරිය විත්තිකරු තමාට ලිංගික ක්‍රියාවක් කළ බව ප්‍රතික්ෂේප කරමින් ලබා දී ඇති සාක්ෂිය විත්තිකරුගේ දරුවන් හා විත්තිකරු කෙරෙහි අනුකම්පාවෙන් සිදුකළ එකක් බවද විනිසුරුවරයා මෙහිදී කීය.

වීඩියෝගත මූලික සම්මුඛ සාකච්ඡාවක වීඩියෝ පටිගත කිරීම සාක්ෂි වශයෙන් ශ්‍රී ලංකා අධිකරණය ඉදිරියේ ආවේශ්‍ය කර ගත හැකි බවට වන නව නීති තත්ත්වය ශ්‍රී ලංකා නීති පද්ධතියට හඳුන්වා දී තිබීම ළමා සාක්ෂිකරුවන්ගේ සාක්ෂි සම්බන්ධයෙන් සාධාරණය ඉටුවන අවස්ථාවක් බව ද විනිසුරුවරයා කීය.

ළමා සාක්ෂිකරුවෙකුගේ වීඩියෝගත සාක්ෂි පදනම් කරගෙන නඩු තීන්දුවක් ප්‍රකාශයට පත්කළේ මෙරට පළමුවරට බව ද පැවසේ.

Check Also

පිණ්‌ඩපාත වැඩි හිමිවරුන්ට කිරිබත්ගොඩදී කිඹුලා බනිස් පිළිගැන්වූ නිසා මහින්දට මල පැනලා

කිරිබත්ගොඩ නගරයේදී පිණ්‌ඩපාතයේ වැඩම කළ මහා සංඝරත්නයට කළ අපහාසය තමා තරයේ හෙළා දකින බව හිටපු …

Leave a Reply

Your email address will not be published. Required fields are marked *

error: Content is protected !!