page hit counter
Monday , December 18 2017
Breaking News
Home / Education / sri lanka history / බුදුරජාණන් වහන්සේගෙන් ශ්‍රී විෂ්ණු දෙවියන්ට ලංකාරක්‍ෂක තනතුර ලැබූනේ මෙහෙමයි

බුදුරජාණන් වහන්සේගෙන් ශ්‍රී විෂ්ණු දෙවියන්ට ලංකාරක්‍ෂක තනතුර ලැබූනේ මෙහෙමයි

ශ්‍රී ලංකාද්වීපයත් සම්බුද්ධ ශාසනයත් ආරක්‍ෂාකරමින් මෙරට ජනතාවට සෙත සහනය සෞභාග්‍යය උදා කර දෙනු ලබන ලංකාරක්‍ෂක දේවාත්මයක්‌ ලෙසින් ලාංකීය බෞද්ධ ජනතාවගේ අප්‍රමාණ ගෞරවයටත්, භක්‌ත්‍යාදරයටත් පාත්‍ර වී ඇති එකම වෛදික දේවාත්මය ශ්‍රී විෂ්ණු දෙවියන්ය.

පිරිනිවන් පෑමට සුදුසු කාලය එළඹ ඇති බව තීරණය කළ බුදුරජාණන් වහන්සේ කුසිනාරා නුවර මල්ලව රජදරුවන්ගේ ශාල වනෝද්‍යානයට වැඩම කොට පිරිනිවන් මංචකයෙහි වැඩ හිඳිමින් ශක්‍ර දේවේන්ද්‍රයාණන් අමතා ශ්‍රී ලංකාවත් සම්බුද්ධ ශාසනයත් රැක ගැනීමේ කාර්යය ඔහුට බාර කළ බවත් ශක්‍ර දේවේන්ද්‍රයා විසින් බුදුරජාණන් වහන්සේගේ බසට ගරු කරමින් විෂ්ණු දෙවියන් හෙවත් උපුල්වන් දෙව් රජහට ලංකාරක්‍ෂාව භාර කළ බවත් ජන ප්‍රවාදයේ දැක්‌වෙයි.

බුදුරජාණන් වහන්සේගේ සමීපස්‌ථ දේවාත්මයක්‌ වන උන්වහන්සේ අප මහා තථාගතයාණන් වහන්සේගෙන් දහම් ඇසීමට යොමු වී සිටි බෞද්ධ දෙවි කෙනෙකු බවත් ලංකා රක්‍ෂාව සඳහා විජය රජුගේ ආගමනයත් සමග ශ්‍රී ලංකාද්වීපයට පැමිණි බවත් මහා වංශ කතා පුවතින් හෙළිදරව් වේ.

සකල ලෝක සත්ත්වයාට පිහිට වනු සඳහා දෙවිවරුන් විවිධ අවස්‌ථාවලදී විවිධ මූර්තීන්ගෙන් පෙනී සිට ඇති අතර ශ්‍රී විෂ්ණු දෙවියන්ද මත්ස්‍ය, කුර්ම, වරාහ, නෘසිංහ, වාමන, රාම, පරශුරාම, කෘෂ්ණ, බුද්ධ, කල්කින් යන දස අවතාරයන්ගෙන් ලොව පහළව ලෝ වැසියන්ට සෙත සලසන බවට ජනප්‍රවාදය දක්‌වයි.

ශ්‍රී විෂ්ණු දෙවියන්ගේ දස අවතාර ලොව පහළ වී ලෝ වැසියන් දුකින් මුදා ගත් අයුරු මෙසේ සඳහන් වේ.

මත්ස්‍යාවතාරය
මුහුද ගොඩ ගැලූ විටෙක අතිදැවැන්ත මාළුවකුගේ වේෂය මවාගෙන අනතුරුව මහත් බල සම්පන්න නෞකාවක්‌ මවා මනු සහ සාමාජිකයන්ද සප්ත මහා සෘෂිහුද බේරාගෙන තිබේ.

කුර්මාවතාරය
ජල ගැල්මේදී නැති වූ අමෘතය මහා සාගරයේ ගිලෙමින් විශ්ව සවිය පෙන්වා ඇත.

වරාහාවතාරය
පොළව සමුදුර මත හෙළන්නට හැදූ හිරණ්‍යාක්‍ෂ බලවත් අසුරයා මරන්නට සූකර (ඌරු) අවතාරයක්‌ ගෙන දළෙන් ඇන මරා දැමූ අවතාරය මෙයවේ.

නරසිංහාවතාරය
සවස්‌කල මිනිස්‌ රූපය සිරුරේ අඩකද සිංහරූපය සිරුරේ අඩකද මවා ගනිමින් ලොවට විණ කරන්නා වූ හිරත්‍යකෂිසු නම් අසුරයා දමනය කිරීමට ඔහුගේ පුත් “ප්‍රහ්ලාද” කළ ඉල්ලීමෙන් ජීවිතක්‍ෂය කිරීම මෙය වේ.

වාමනාවතාරය
බලී නම් අසුරයා ශක්‌තියෙන් කළ බොහෝ වැරදි නිසා අසුරයා වෙත ගිය විෂ්ණු දෙවිඳු තමාට තමාගේ තුන් අඩියකින් වැසෙන බිම් ප්‍රමාණයක්‌ ඉල්ලා එය ලබාගෙන එක්‌ වරම යෝධ ශරීයෙන් මවා ගනිමින් විශ්වයම වසාලූයෙන් බලීට ඉතිරි වූයේ පාතාල ලෝකය පමණි.

පරශුරාමාවතාරය
පරශුරාම යනු පොරවක්‌ අතින් ගත් තැනැත්තා යන අර්ථයයි. ජමදශ්නි නම් බ්‍රාහ්මණයා සතු සියලු වස්‌තුව පැහැරගත් කාර්තිවීර්ය නම් රජුව පරශුරාම අවතාරයෙන් සිටි විෂ්ණු දෙවිඳුන් විසින් මරා දමන ලදී.

රාමාවතාරය
රාමා – රාවන පුවතේදී දැක්‌ වූ දක්‍ෂතා රාමාවතාරයෙන් කියවේ.

කෘෂ්ණාවතාරය
ශ්‍රී විෂ්ණු දෙවිඳු ශ්‍රී කෘෂ්ණයන් ලෙස ලොව පහළ වූ බවත් බටලී ගායනයට දක්‍ෂ වූ කෘෂ්ක හා පෙමින් බැඳුණේ රාධා බවත් කියෑවේ. ද්වාරතා රාජ්‍යය ගොඩනගා ඇත්තේද කෘෂ්ණ විසිනි.

බුද්ධාවතාරය
ශ්‍රී විෂ්ණු දෙවියන්ගේ අවතාරයක්‌ ලෙස බුදුරුවට වන්දනා මාන කිරීමට හින්දු භක්‌තිකයන් පෙළඹී ඇත. වර්තමානයේදී විෂ්ණු දෙවිඳු අදහන හින්දුවරු. බුදුන් වහන්සේගේ රුවද වැඳුම් පිදුම් සඳහා යොදා ගනී.

කල්කින් අවතාරය
කලියුගය අවසානයේදී සුදු අසෙකු අරා ගිනි දලු සහිත අසිපතක්‌ ගත් පුරුෂයකු ලෙස ශ්‍රී විෂ්ණු දෙවිඳු අධර්මිෂ්ඨයන් වනසා සාධු ජනයා සුරක්‍ෂිත කොට යළිත් ලොව ධර්මය පිහිටු වන බව මෙයින් කියෑවේ.

ශ්‍රී ලංකා ද්වීපයත් සම්බුද්ධ ශාසනයක්‌ සුරැකීමේ අති උදාර මෙහෙවරෙහි නියුතුව සිටින අප ශ්‍රී ලංකාද්වීපයේ මුර දේවතා ලෙස සැලකෙන ශ්‍රී විෂ්ණු දෙවියන්ට ඇත්තේ නිල්වන් සිරුරකි. සංඛයක්‌ චක්‍රයක්‌, ගධාවක්‌ ආයුධ ලෙස අත දරා ගුරුළු වාහනාරූඪව වැඩහිඳියි. කසාවන් වස්‌ත්‍රයකින්ද රක්‌තවර්ණ සළුවකින්ද සැරසී සියලු ස්‌වර්ණාභරණ පැළඳ සිටින අයුරු මෙසේ දැක්‌වේ.

ශංබාධර දක්‍ෂිණස්‌ථ වාම හස්‌ත චක්‍රම්
ගංගා ධර ප්‍රියංගනා හාතෘ දේව රාඥම්
ශාරීරික නීලංජන වර්ණජ්‍යෙdති වර්ණම්
පුණමාවිත විෂ්ණු දේව ශාන්ති දාන නිත්‍යම්

මෙවන් වූ මහා බලයක්‌ ඇති ශ්‍රී විෂ්ණු දෙවිඳුන් නැමැද ඔබටද උන්වහන්සේගේ පිහිට හා දේවාශිර්වාදය ලබා ගත හැකි අතර ඒ සඳහා ඔබ නිවසේදීම මල් පහන් සුවඳදුම් පූජාකර තිසරණ සහිත පංචශීලයෙහි පිහිටා බුදුන් වැඳ පිරිත් සCධායනා කර විෂ්ණු දෙවියන් උදෙසා නිල්මල් (නිල්කටරොළු – නිල්මානෙල්) ගිතෙල් හෝ රන්තැඹිලි තෙල් පහන්ද සුවඳදුම් හා පත්‍ර පූජාවක්‌ ලෙස මදුරුතලා කොළ පූජා කර

විෂ්ණු ශ්‍රී සර්ව මංගල්‍යම් – යථා භූත නසංමිතේ
ගන්ධ දීපංච ධූපේන – විෂ්ණු දේවෝ නමෝවරං

ඔබගේ කරදර බාධක ඉවත් කර සහනය ලබා දෙන ලෙස ඉල්ලා මෙම ස්‌තෝත්‍රය හත් වරක්‌ ගායනා කරන්න.

ප්‍රාතඃ ස්‌මරාම් එණිරාජතානෞ ශයානං
නාගාමරා සුර නරාදි ජගන්ති දානම්
වෙදෛඃ සහාම රඟණෛරූපගීයමානං
කාන්තාර කේත නවතාං පරමං නිධානම්

ප්‍රාතර්භජාමි භව සාගර වාරි පාරං
දේවාර්ෂි සිද්ධ නිවහෛර් විහිතෝපහාරං
සංදෘප්තදානවක දම්බ මදාපහාරං
සෞන්දර්ය රාශි ජල රාශි සුතා විහාරං

ප්‍රාතර් නමාමි ශරදම්බර කාන්ති කාන්තම
පදාරවින්ද මකරන්ද පුෂාං භාවාන්තම්
නානාවතාර භෘත භූමි භරං කෘතාන්තං
පාථෝපකම්බුරන පාදං කරං ප්‍රශාන්තම්
ශ්‍රී විෂ්ණු දේව කන්නලව්ව

මතු බුදුවන්නා වූ ශ්‍රී බුද්ධ බල ඇති ගුරුලාසනයෙහි වැඩ සිටින නීල වර්ණයෙන් බබළන්නා වූ මහා බලවත් ආයුධ සතරක්‌ ඇති දස අවාතාර ඇති ලංකා රක්‍ෂක සර්ව බලධාරී ශ්‍රී විෂ්ණු දිව්‍ය රාජෝත්තමයාණන් වහන්ස,

මාහට ඇත්තා වූ අණ විණ, කොඩි විණ, හදි හූනියම්, වැල් පැන්නුම්, ඉරි පැන්නුම්, ඇස්‌වහ, කටවහ, හෝවහ, අඬෝ වැඩියා ආදී දෝෂයන් දුරුකර දෙන සේක්‌වා. යම් හෙයකින් නවග්‍රහ මණ්‌ඩලයේ රවි – චන්ද්‍ර – කුජ – බුධ – ගුරු – ශුක්‍ර – ශනි – රාහු – කේතු යන නවග්‍රහයින් විසින් ඇති කරන්නා වූ යම් අපලයක්‌ වේ නම් ඒවාද දුරු කර දෙන සේක්‌වා.

මල්, පහන්, සුවඳදුම් පුදා පිං අනුමෝදන් කර කියා සිටින්නා වූ දුක්‌ ගැනවිලි දෙස දිව කන්යොමා අසා දිවැස්‌ දිෂ්ටියෙන් බලා සකල රෝග, සකල දෝෂ සකලෝපද්‍රවයන් නිවාරණය කර සකල කාර්යයන් සාර්ථක කරදී මාරක බාධක ඒර්ෂ්ටක, ග්‍රහදෝෂ, දුරුකරවා සර්ව ආරක්‍ෂාව ඇති කර සෞභාග්‍ය උදා කර දෙන සේක්‌වා.

සෞභාග්‍ය උදාකරන ශ්‍රී විෂ්ණු පංජරය

ශ්‍රී විෂ්ණු පංජරං දිව්‍යං – සර්ව රෝග නිවාරනං,උග්‍ර තේජං මහා වීර්යං – සර්ව ශාස්‌ත්‍ර නිකෘත්තනම්,ත්‍රිපුරං දාන මානස්‍ය – හරස්‍ය බ්‍රාහ්මනෝ දිතම්,තද හංසං ප්‍රචක්‌ශ්‍යාම් – ආත්ම රක්‍ෂා තරම් නෘතාම්,පාදෝ රක්‍ෂතු ගෝවින්දෝ – ජංගේ චෛවත්‍රී වික්‍රමං,ඌරුමේ කේෂවඃ පාතු – කටිං චෛව ජනාර්ධිහඃ,නාභි චෛවා ච්‍යංතඃ පාතු – ගුහ්යං චෛවතු වාමනං,උදාරං පද්ම නාභශ්ච- පෘෂ්ඨං චෛවතු මාධවඃ,වාම පාර්ශ්වං තථා විෂ්ණු – දක්‍ෂිණං මධු සූදනං,බාහුං වාසු දේවශ්‍ය – හෘද දා මෝදරඃ තථා,කණ්‌ඩං රක්‍ෂතු වාරාහං – කෘෂ්ණෂ්ව මුඛ මණ්‌ඩලං,මාධවා කර්ණ මූලේතු – භෘෂි කේශෂ්ව නාසිකේ,නේත්‍රේ නාරායනේ රක්‍ෂ – ලලාමං ගරූඩද්වජම්,කපෝලෞ කේෂ චෞ රාක්‌ෂදී – වෛකුණ්‌ටඃ සර්වතෝදිෂම් -,ශ්‍රී වත්ස්‍යාං කශ්ව සංවර්ශා මඨගානං රක්‍ෂතෝ භවේත්,පූර්වශ්‍යං පුණ්‌ඩරී තාක්‍ෂ – ආග්න්‍යං ශ්‍රී ඔරස්‌ථතා,දක්‍ෂිණෝ නෘතිංහංච – හෛසෘත්‍යං මාධවෝ චතු,පුරුෂෝත්තමෝ මෙවණ්‍යාං – වාය ව්‍යාංච ජනාර්ධිනඃ,ආපදෝ භරතේ හිත්‍යං – විෂ්ණු ස්‌තෝත්‍රාර්ථ සම්පදා,යසත් විදං පටතේ ස්‌තෝත්‍රං – විෂ්ණු පංජර මුත්තමං

(දිනපතා උදේ සවස ගායනා කිරීමෙන් නිවසේ ශ්‍රියාව ඇතිවේ)

ශ්‍රී විෂ්ණු දේව කන්නලව් කරන තවත් ක්‍රමයක්

සාධු! සාධු!! දොහොත් මුදුනේ තබා වැඳ නමස්‌කාර කොට කියනුයේ ශ්‍රීමත් උතුම් ශ්‍රී විෂ්ණු දිව්‍යරාජෝත්තමයාණන් වහන්සේ ඔබ වහන්සේ වෛකුණ්‌ඨ පර්වතයෙහි ගුරුළු වාහනාරූඪව යහතින්ම ශ්‍රී ලංකාද්විපයත්, සම්බුධ ශාසනයත්, මුළු මහත් දඹදිවත්, ද්වීපසතරත්, දහඅට දේශයත්, සතරදේවාලයත්, දිවැස්‌ බලා වැඩ වදාරන්නා වූ උතුම් ශ්‍රී විෂ්ණු දේව දිව්‍යරාජෝත්තමයාණන් වහන්ස· අසුර යුද්ධයෙන් මාර යුද්ධයෙන් විජය ශ්‍රී ලබා ලෝක සත්වයාට සෙතත් ශාන්තියත් ලබාදී වැඩ වාසය කරන ශ්‍රීමත් සිද්ධ ශ්‍රී විෂ්ණු දෙවි මහා රාජෝත්තමයාණන් වහන්ස (මා හට) මොහුට වැළඳී ඇත්තා වූ දේව දෝෂ, ඇස්‌වහ කටවහ, හදි හූනියමකින් ඇතිවූ සියලු දෝසාන්ධකාර දුරුකර දෙවා වදාරා මේ අසරණයාගේ පිනට පිහිට වී පින් ගන්න සේක්‌වායි· ඔබ වහන්සේට කියා සිටින මේ කන්නලව්ව ඔබ වහන්සේගේ දිව්‍ය කර්ණයට වැටී දිව නෙතට පෙනී මොහුගේ සියලු අභිමතාර්ථයන් ඉෂ්ට කර දෙන සේක්‌වායි, ඔබ කීර්ති පස්‌වාන් දහසකට ආයු බොහෝ වේවා·.

පහන් තැබීම – පූජා පැවැත්වීම – 12.00 සිට 12.35 දක්‌වා නොයිඳුල් පොල්තෙල්, අලුත් මැටිපහන් නිල්මල් පලතුරු වර්ග පහක්‌ කැවිලි පස්‌ වර්ගයයි. කපුරු කට්‌ට කුමන්ජල්, පිණිදිය, කසපැන්

ශ්‍රී විෂ්ණු දේව ස්‌තොත්‍ර

හෙරාමා පුරුෂොත්තමා හරහරි නාරායනා කෙශවාං,ගොවින්දා ගරුඬඬාජා ගුණනධිභූමොදරා මෘද වඃ හෙ ක්‍රිෂ්ණා කමලාපති සිවපති ශ්‍රීමාපති ශ්‍රී පති,ශ්‍රී වෛකුණ්‌ඨපති චරාමරපති ලක්‌ෂ්මීපති පාහි මං,ශ්‍රී ගොවින්ද පදාමෙහාජ- මධුනො මහදද්භූතම්,යත් පායිනො නමුඤ්චනති මුඤවාන්තියද පායිනං,ආනන්ද ගොවින්ද මුකුන්දරාම – නාරායනා නතන නිරාමයෙති,චක්‌තුංස මර්ථොපි නවක්‌ති කශ්වි -දභෝජනානං ව්‍යානානි මොක්‍ෂෙ

ක්‍රමය-
විෂ්ණු දෙවියන්ට පහන් තබා පූජා කොට ඉහත සඳහන් සතොත්‍ර කියා දෙවනු අදහස කියා දෙවියන්ට කන්නලව් කිරීම සුදුසුයි. මේ සියල්ලක්‌ම පිරිසිදුව කළ යුතුයි.

මිතුරන්ටත් බලන්න පහතින් ශෙයාර් කරන්න

Check Also

ලිංගිකත්වය එළිපිටට ගෙනා ලංකාවේ අපේ පැරණි ජන ක්‍රීඩා

ලිංගිකත්වය යනු ප්‍රසිද්ධියේ ක්‍රියාවට නැංවීමට තබා ප්‍රසිද්ධියේ කතා කිරීමට වත් නුසුදුසු ‘අසභ්‍ය’ මාතෘකාවක් බව සමාජයේ …

Leave a Reply

Your email address will not be published. Required fields are marked *

error: Content is protected !!