page hit counter
Monday , December 18 2017
Breaking News
Home / උණුසුම් පුවත් / කුඩා ජංගම දුරකතන කොළඹ හා මාතර බන්ධනාගාරවලින් මතුවෙච්ච හැටි මෙන්න

කුඩා ජංගම දුරකතන කොළඹ හා මාතර බන්ධනාගාරවලින් මතුවෙච්ච හැටි මෙන්න

මෙරට වෙළෙඳපොළෙන් මිලදී ගැනීමට පවා නොහැකි ඉතා දුර්ලභ ගණයේ කුඩා ජංගම දුරකතන දෙකක් කොළඹ රිමාන්ඩ් බන්ධනාගාරය සහ මාතර බන්ධනාගාරයේදී සිදුකළ සෝදිසියකදී සොයාගැනීමට බන්ධනාගාර දෙපාර්තමේන්තු ආරක්ෂක අංශ සමත්ව තිබේ.

කොළඹ රිමාන්ඩ් බන්ධනාගාරයේදී සොයා ගත් ජංගම දුරකතනය අතේ ඇඟිල්ලක් ප්‍රමාණයේ එකක් බවද මාතර බන්ධනාගාරයෙන් සොයාගත් දුරකතනය කුඩා අත් ඔරලෝසුවකට සමාන දුරකතනයක් බවද බන්ධනාගාර දෙපාර්තමේන්තුව පවසයි.

මින් පෙර කිසිදු අවස්ථාවක මෙවැනි දුරකතන සිරකරුවන් සතුව තිබියදී සොයාගෙන නැති බවද අනාවරණය වෙයි.

විශාල ප්‍රමාණයේ ජංගම දුරකතන බන්ධනාගාරයට ගෙන ඒමේ අපහසුව නිසා හිරකරුවන් මෙවැනි කුඩා ජංගම දුරකතන ගුද මාර්ගයේ සඟවා ගෙන බන්ධනාගාරවලට ගෙන ඒමට පෙලඹී ඇති බවද මේ ජංගම දුරකතන සොයාගැනීමෙන් හෙළිවන බවද දැනගැනීමට තිබේ.

මේ පිළිබඳව බන්ධනාගාර මාධ්‍ය ප්‍රකාශක කොමසාරිස් තුෂාර උපුල්දෙණිය මහතාගෙන් කළ විමසීමකදී කියා සිටියේ කොළඹ රිමාන්ඩ් බන්ධනාගාර අධිකාරි කේ.කේ.එස්. කොඩිතුවක්කු මහතාගේ සහ මාතර බන්ධනාගාර සහකාර අධිකාරි ධම්මික යන මහත්වරුන්ගේ මෙහෙයවීම මත මේ අත්අඩංගුවට ගැනීම සිදුකර ඇති බවත් මෙවැනි තවත් ජංගම දුරකතන ඇත්දැයි සොයා බැලීම සඳහා ඉදිරියේදී බන්ධනාගාරවල දැඩි ආරක්ෂක වැඩපිළිවෙළක් ක්‍රියාත්මක කිරීමට අපේක්ෂා කරන බවත්ය.

Check Also

මොවුන් ගැන තොරතුරක් දන්නවානම් වහාම දැනුම් දෙන්න – පොලීසිය ඔබේ සහය පතයි

ගම්පහ රෝහල අසළදී මෝටර් රථයක් තුළ තිබී ටී 56 වර්ගයේ ගිනි අවි 03 ක් සොයාගැනීමේ …

Leave a Reply

Your email address will not be published. Required fields are marked *

error: Content is protected !!