page hit counter
Monday , December 18 2017
Breaking News
Home / උණුසුම් පුවත් / ලන්ච් ෂීට්‌ ෂොපින් බෑග් අද සිට තහනම් – පාවිච්චි කරලා අහුවුනොත් වෙන දේ මෙන්න

ලන්ච් ෂීට්‌ ෂොපින් බෑග් අද සිට තහනම් – පාවිච්චි කරලා අහුවුනොත් වෙන දේ මෙන්න

පොලිතින් හා ප්ලාස්‌ටික්‌ මගින් ඇති වී තිබෙන පාරිසරික ගැටලු අවම කිරීමේ කෙටිකාලීන පියවරක්‌ ලෙස ආහාර එතීම සඳහා භාවිත කරන දවටන (ලන්ච් ෂීට්‌) ආනයන කිරීම, නිෂ්පාදනය හා විකිණීම අද (01 වැනිදා) සිට තහනම් වේ. එමෙන්ම ජාතික, ආගමික, සමාජයීය, සංස්‌කෘතික හා දේශපාලන උත්සව ඇතුළු සියලු උත්සව සැරසිලි කටයුතුවලදී පොලිතින් භාවිතය තහනම් බව මධ්‍යම පරිසර අධිකාරිය පවසයි.

පොලිතින් භාවිතය අවම කිරීම සඳහා කෙටිකාලීන ක්‍රියාමාර්ග 12 ක්‌ මධ්‍යකාලීන ක්‍රියාමාර්ග දෙකක්‌ හා එක්‌ දීර්ඝකාලීන ක්‍රියාමාර්ගයක්‌ ගැනීමට නියමිතය.

කෙටිකාලීන ක්‍රියාමාර්ග ලෙස මයික්‍රෝන් 20 ට සමාන හෝ ඊට අඩු ඝනකමින් යුත් පොලිතින් භාවිතය, විකිණීම හා නිෂ්පාදනය තහනම් කරමින් දැනට නිර්දේශ කර ඇති රෙගුලාසි එලෙසම ක්‍රියාත්මක කිරීමත් පොලිස්‌ටයිරින් අමුද්‍රව්‍ය ලෙස යොදා ගන්නා ආහාර ඇසුරුම් පෙට්‌ටි, ප්ලාස්‌ටික්‌ පිඟන්, කෝප්ප හා හැඳි ආනයනය, නිෂ්පාදනය විකිණීම සහ භාවිතය තහනම් කිරීමත් පොලිතින්වලින් සාදන ලද කවරවල බහා සකසන ලද හෝ පිසූ ආහාර විකිණීම තහනම් කිරීමටත් තීරණය කර ඇත.

එමෙන්ම භාණ්‌aඩ මිලදී ගන්නා අවස්‌ථාවලදී පාරිභෝගිකයන් වෙත ලබාදෙන ලද පොලිතින් ඇසුරුම්වලට විකල්ප වශයෙන් කඩදාසි, පන්, රෙදි වැනි පරිසර හිතකාමී ඇසුරුම් මලු ලබාදීම හා එවැනි ඇසුරුම් නිෂ්පාදනයේදී ජෛව හායනයට ලක්‌වීම මගින් දිරාපත් වන ප්ලාස්‌ටික්‌ ද්‍රව්‍ය යොදා ගැනීම ප්‍රවර්ධනය කිරීමටත් නියමිතය.

තවද විවෘත භූමිවල පොලිතින් හා ප්ලාස්‌ටික්‌ පිලිස්‌සීම තහනම් කිරීමට ද මේ යටතේ තීරණය කරනු ලැබ ඇත.

තහනම් කිරීමට අදාළ ගැසට්‌ නිවේදනය අද (01 වැනිදා) නිකුත් කෙරේ.

හැමෝම දැනුවත් කරන්න පහතින් ශෙයාර් කරන්න

Check Also

මොවුන් ගැන තොරතුරක් දන්නවානම් වහාම දැනුම් දෙන්න – පොලීසිය ඔබේ සහය පතයි

ගම්පහ රෝහල අසළදී මෝටර් රථයක් තුළ තිබී ටී 56 වර්ගයේ ගිනි අවි 03 ක් සොයාගැනීමේ …

Leave a Reply

Your email address will not be published. Required fields are marked *

error: Content is protected !!