page hit counter
Sunday , October 22 2017
Breaking News
Home / උණුසුම් පුවත් / school girl sad story / ගැමි දැරියක් රාතී‍්‍ර සමාජ ශාලාවක නිරුවතින් නටවලා මාට්ටු

ගැමි දැරියක් රාතී‍්‍ර සමාජ ශාලාවක නිරුවතින් නටවලා මාට්ටු

පහළොස් හැවිරිදි දැරියක් රාතී‍්‍ර සමාජ ශාලාවක සේවයේ යොදවාගෙන සිටියදී වැලිකඩ පොලිසිය විසින් සොයාගනු ලැබුවාය.

රාති‍්‍ර සමාජ ශාලාවේ අනෙකුත් නළඟනන් සමඟ මෙම දැරියද අඩ නිරුවතින් නැටීමට යොදවාගෙන ඇති බවට තොරතුරු ලැබී ඇතැයි වැලිකඩ පොලිසියේ නිලධාරියෙක් ලංකාදීපයට පැවැසීය. දුම්මලසූරිය පොලිස් වසමේ පදිංචි මෙම දැරිය තවමත් පාසල් යන සිසුවියක බවද පොලිසිය පවසයි.

රාතී‍්‍ර සමාජ ශාලාවේ නර්තන ඉදිරිපත් කිරීමට යොදාගත් බව කියන මෙම බාල වයස්කාර දැරිය ලිංගික අපයෝජනයන්ට ලක්වී ඇත්දැයි සොයා ගැනීමට ඇය වෛද්‍ය පරීක්ෂණයකට ලක් කිරීමට රෝහල් ගත කර තිබෙන බව ද පොලිසිය සඳහන් කරයි.

ගමේ පදිංචි නිතර නිවසට යන එන දන්නා හඳුනන 18 හැවිරිදි තරුණියක් ඇයගේ යෙහෙළියකගේ විවාහ මංගල උත්සවයට යන නිසා තනියට කැඳවාගෙන යන බව පවසා තම දියණිය පසුගිය 16 වැනිදා කැඳවාගෙන ගියත් ඇය ආපසු නොපැමිණි බව පවසා මෙම දැරියගේ දෙමාපියන් දුම්මලසූරිය පොලිසියට පැමිණිල්ලක් කර ඇත.

දුම්මලසූරිය පොලිස් ස්ථානාධිපති පොලිස් පරීක්ෂක ආර්. එම්. ජයවීර මහතා සහ එම පොලිසියේ ළමා හා කාන්තා කාර්යාංශයේ ස්ථානාධිපති උප පොලිස් පරීක්ෂිකා ශිරෝමි පි‍්‍රයදර්ශනී මහත්මිය පරීක්ෂණයක් පවත්වා හෙළිකරගත් තොරතුරු වැලිකඩ පොලිස් ස්ථානාධිපති ප‍්‍රධාන පොලිස් පරීක්ෂක සුදත් අස්මඩල මහතාට දැනුම්දී ඇත.

මේ පිළිබඳව පරීක්ෂණ පැවැත්වීමේදී දැරිය වැලිකඩ පොලිස් වසමේ රාතී‍්‍ර සමාජ ශාලාවක රඳවාගෙන සිටින බව හෙළිවී යැයි පොලිසිය කියයි. පසුව ප‍්‍රධාන පොලිස් පරීක්ෂක අස්මඩල මහතාගේ උපදෙස් හා මෙහෙයවීම යටතේ දුෂණ මර්දන අංශයේ ස්ථානාධිපති පොලිස් පරීක්ෂක අශෝක් කුමාර් මහතා ප‍්‍රධාන පොලිස් කණ්ඩායමක් එම රාති‍්‍ර සමාජ ශාලාවට ගොස් දැරිය සොයාගෙන ඇයගෙන් ප‍්‍රකාශයක් ලබාගෙන ඇය වැඩිදුර පරීක්ෂණ සඳහා දුම්මලසූරිය පොලිසියට භාරදී තිබේ.

විවාහ මංගල උත්සවයට කැඳවාගෙන යන බව කියා දැරිය නිවසින් කැඳවාගෙන ගිය 18 හැවිරිදි තරුණිය පසුව ඇය මෝටර් රථයක නංවාගෙන දුම්මලසූරියේ සිට වැලිකඩ රාති‍්‍ර සමාජ ශාලාව වෙත රැගෙන ගොස් තිබෙන බව පොලිසියෙ පවසයි.

බාල වයස්කාර දැරිය රවටා ඇය රාති‍්‍ර සමාජ ශාලාවේ සේවය සඳහා කැඳවාගෙන ගිය 18 හැවිරිදි තරුණිය හා දැරිය රැගෙන ගිය මෝටර් රථය‍ රියැදුරාද අත්අඩංගුවට ගැනීම දුම්මලසූරිය පොලිසිය පුළුල් පරීක්ෂණයක් පවත්වාගෙන යයි.

දැරිය කැඳවාගෙන ගිය ඉකුත් 16 වැනිදා සිට 20 වැන්දා රාති‍්‍රය දක්වා තමා මෙම සමාජ ශාලාවේ රඳවාගෙන සිටි බවත් එහි සිටින අනෙක් නළඟනන් සමඟ තමාට ද අඩ නිරුවතින් නැටීමට සිදුවූ බවත් දැරිය පොලිසියට ප‍්‍රකාශ කර ඇත. රාති‍්‍ර සමාජ ශාලාවට පැමිණෙන අයට නර්තනයේ යෙදෙන කාන්තාවන්ට පැළඳීමට මල්මාලා විකිධෑමට තිබෙන බවත් එම මල්මාලා මිලදීගෙන කැමැති නර්තන ශිල්පිනියකට පැළඳිය හැකි බවත් ඒ අනුව තමන්ටද මල් මාලා පැළඳූ බවත් ඇය පොලිසියට පවසා ඇති බව පැවසේ.

රාති‍්‍ර සමාජ ශාලාවට පැමිණි මැදි වයසේ පසුවන පුද්ගලයකු බාලවයස්කාර දැරිය ලිංගික කි‍්‍රයා සඳහා මිලදී ගැනීමට එහි සේවකයකුගෙන් ඉල්ලා ඇති බවත් ඔහු තමාව එම මැදිවයසේ පුද්ගලයාට දීමට ගිය අවස්ථාවේ තරුණ තවත් සේවකයකු එයට ඉඩ නොදුන් බවත් ඇය පොලිසියට පවසා තිබෙන බව කියති.

පොලිසිය මෙම රාති‍්‍ර සමාජ ශාලාව ඊයේ (22) වටලා ගණිකා වෘත්තියේ නිරතව සිටි බව කියන රූමත් කාන්තාවන් පස් දෙනකුද බලපත‍්‍ර නොමැතිව විදේශීය මත්පැන් විකිධෑමේ චෝදනාවට තිදෙනකුද සේවකයන් දහ දෙනකුද අත්අඩංගුවට ගත් බව වැලිකඩ පොලිසිය කියයි.

බලපත‍්‍රයක් නොමැතිව මෙම රාති‍්‍ර සමාජ ශාලාව පවත්වාගෙන ගොස් ඇති බවපරීක්ෂණවලින් අනාවරණය වූ බවත් මෙහි අයිතිකරු අත්අඩංගුවට ගැනීමට පරීක්ෂණ කරගෙන යන බවද පොලිසියේ නිලධාරියෙක් පැවැසීය.

කාන්තා උප පොලිස් පරීක්ෂිකා රාජපක්ෂ, පොලිස් සැරයන්වරුන් වන මොහාන් (56798), බණ්ඩාර (30294) කොස්තාපල්වරුන්වන කුමාර (67574), දයාවංශ (68571). පීරිස් (68336), ජානක (68272), සරත් (37037), අසේල (75789) සහ කාන්තා කොස්තාපල් කසුනි (9868) යන මහත්ම මහත්මීහුද මෙම වැටලීමට හවුල්වී තිබේ.

එක්වන්න අපගේ Facebook පිටුවට – @gossiplankasinhalanewswebsite

මිතුරන්ටත් බලන්න පහතින් share කරන්න

-ලංකාදීපපුවත් ඇසුරනි

Check Also

‘‘දුවගේ සැත්කම වැරදුණා කියලා මාධ්‍යට ප්‍රකාශ දෙන්න ලෑස්ති වෙන්න එපා..‘‘ මහනුවර රෝහලේ ප්‍රධාන වෛද්‍යවරියගේ කෙරුවාව මෙන්න

‘‘ඔයාලගේ දුවගේ සැත්කම ධන පැත්තට හැරෙන්නත් පුළුවන් සෘණ පැත්තට හැරෙන්නත් පුළුවන්. හැබැයි සෘණ පැත්තට හැරුණා …

Leave a Reply

Your email address will not be published. Required fields are marked *

error: Content is protected !!