page hit counter
Tuesday , December 19 2017
Breaking News
Home / උණුසුම් පුවත් / අද සිට රු. 65 ට ආණ්‌ඩුවෙන් පොල් – අයිඕසී තෙල්මිල ඉහළට

අද සිට රු. 65 ට ආණ්‌ඩුවෙන් පොල් – අයිඕසී තෙල්මිල ඉහළට

රජය සතු පොල් තොග අද (02 වැනිදා) සිට ගෙඩියක්‌ රුපියල් 65 ක මිලකට වෙළෙඳපොළට නිකුත් කරන බව පොල් වගා කිරීමේ මණ්‌ඩලය පවසයි.

කුඩා පරිමාණ පොල් වගාකරුවන්ගෙන් ලබාගත් පොල් තොග ද මෙහිදී වෙළෙඳපොළට නිකුත් කරන බව පොල් වගා කිරීමේ මණ්‌ඩලයේ සභාපති කපිල යකන්දාවල මහතා පැවසීය.

ජංගම රථ යොදාගනිමින් බෙදාහරින මෙම පොල් තොග නගර ආවරණය වන පරිදි හඳුනාගත හැකි ආකාරයෙන් වර්ණ ගන්වා ඇති බවත් ලබන බදාදා (4 වැනිදා) සිට සතොස වෙළෙඳසල් මගින් ද අඩු මිලට පොල් මිලදී ගත හැකි බවත් ඒ මහතා කියා සිටියේය.

පසුගිය කාලයේ පැවැති නියං සහිත කාලගුණය හේතුවෙන් පොල් අස්‌වනු ලැබීම් පහළ ගොස්‌ තිබිණි. මේ හේතුවෙන් රට තුළ පොල් හිඟයක්‌ ද පැවතිණි. කොළඹ, හම්බන්තොට, මාතර දිස්‌ත්‍රික්‌කවලට ඉන් වැඩිම බලපෑමක්‌ එල්ල විය.

අයිඕසී තෙල්මිලඉහළ යන ලකුණු

ඉදිරි දින කීපය තුළදී පෙට්‍රල් හා ඩීසල් මිල වැඩි කිරීමට සැලසුම් කර ඇතැයි ලංකා අයි. ඕ. සී. (IOC) සමාගම පවසයි.

ඒවායේ වැඩි කරන මිල ගණන් තවම තීරණය කර නැතැයි පැවසූ එහි කළමනාකාර අධ්‍යක්‍ෂ ශ්‍යාම් බෝරා මහතා ඉන්ධන සඳහා බදු අඩු කිරීම හෝ මිල වැඩි කිරීම සිදුකළ යුතු බව රජයට දැනුම් දී ඇතැයි ද කියා සිටියේය.

ලෝක වෙළෙඳපොළේ වත්මන් මිල ගණන් අනුව ඉන්ධන අලෙවියේදී තම සමාගමට විශාල පාඩුවක්‌ ලැබීමට සිදුවී ඇතැයි පැවසූ හෙතෙම ජාත්‍යන්තර වෙළෙඳපොළේ පෙට්‍රල් හා ඩීසල් මිල ගණන් පසුගිය කාලය තුළ කැපී පෙනෙන ලෙස ඉහළ ගියද 2015 වසරේ ජනවාරි මාසයෙන් පසු අයි. ඕ. සී. පෙට්‍රල් මිල වැඩිකර නොමැති බවත්, පසුගිය වසරේ (2016) සැප්තැම්බරයෙන් පසු ඩීසල් මිල ඉහළ නංවා නොමැති බවත් වැඩිදුරටත් කීය.

එක්වන්න අපගේ Facebook පිටුවට – @gossiplankasinhalanewswebsite

මිතුරන්ටත් බලන්න පහතින් share කරන්න

Check Also

මොවුන් ගැන තොරතුරක් දන්නවානම් වහාම දැනුම් දෙන්න – පොලීසිය ඔබේ සහය පතයි

ගම්පහ රෝහල අසළදී මෝටර් රථයක් තුළ තිබී ටී 56 වර්ගයේ ගිනි අවි 03 ක් සොයාගැනීමේ …

Leave a Reply

Your email address will not be published. Required fields are marked *

error: Content is protected !!