page hit counter
Monday , October 23 2017
Breaking News
Home / උණුසුම් පුවත් / Bodu Bala Sena / බොදුබලේ, සිංහලේ, මහසොහොන් බළකාය තහනම් කරන්නැයි මේජර් අජිත් කියයි

බොදුබලේ, සිංහලේ, මහසොහොන් බළකාය තහනම් කරන්නැයි මේජර් අජිත් කියයි

හැකි නම් බොදුබලේ, සිංහලේ, මහසොහොන් බළකාය ඇතුළු ජාතිවාදී අන්තවාදී සංවිධාන තහනම් කිරීමට පියවර ගන්නැයි මව්බිම වෙනුවෙන් රණවිරුවෝ සංවිධානයේ කැඳවුම්කරු විශ්‍රාමික මේජර් නීතීඥ අජිත් ප්‍රසන්න මහතා පැවසීය.

ඔහු එලෙස කීවේ අද කොළඹ දී මාධ්‍ය හමුවක් කැඳවමිනි.

රොහිනග්‍යා සරණාගතයන් රැඳී සිටි නිවස ඉදිරිපිට විරෝධතාවක් පැවැත්වූයේ කාන්තා අපයෝජන සිදුවීමක් වසන් කිරීමේ කුමන්ත්‍රණයක ප්‍රතිඵලයක් ලෙස යැයි ද අජිත් ප්‍රසන්න මහතා කීවේය.

‘එම පුද්ගලයන් රඳවා තබන ස්ථානයේ රාජකාරි කළ පොලිස් කොස්තාපල් වරයෙක් උපක්‍රමිකව සරණාගත කාන්තාවක් ලැගුම්හලකට ගිනිහින් දූෂණය කරනවා. ඒ පිළිබඳ ගංගොඩවිල උසාවියේ නඩුවක් විභාග වෙනවා. මේ නඩුව යළි කැඳවන්න නියමිත ඔක්තෝබර් 26 වැනිදාය. මේ ස්ත්‍රී දුෂණ වරදට අවුරුදු 10කට 15කට හිරේ යන්න වෙනවා. රොහින්ග්‍යා සරණාගතයන් ත්‍රස්තවාදීන් කියා හුවා දක්වලා උද්ඝෝෂණයක් කරලා ඒ අය පිටුවහල් කරන්න කටයුතු කළා නම් අර සාක්කි නැතිව යනවා කියා කුමන්ත්‍රණයක් කරනවා. අපි නීතිපතිට කියනව ඔය ඇත්තටම අල්ලලා ඉන්නේ හාල්මැස්සෝ.

බොදුබල සේනා සංවිධානය කියන නෝර්වේ බලල් අතක් වන අන්තවාදී සංවිධානය මුස්ලිම් හා සිංහල ජනතාව අතර දැවැන්ත බෙදීමක් ඇති කළා. එහෙම කරපු බොදුබලේ හාමුදුරුවන්ව එවකට ආණ්ඩුවට අත්අඩංගුවට ගන්න බැරිවුණේ ආණ්ඩුවේ ඇමැතිවරයකු නිසයි. මේ සිදුවීම පිටුපසත් ඒ ඇමැති සිටිනවා. ‘

රට වෙනුවෙන් දැවැන්ත යුතුමක් ඉටු කළ ආරක්ෂක අංශයක නායකයකු ඉදිරියේ දේශපාලනයට එන බව ද අජිත් ප්‍රසන්න මහතා කීවේය.

-දිවයින පුවතපත

Check Also

ඥනසාර හිමිට රැකවරණය දුන්නොත් දැඩි පියවර : පොලිස්‌ මාධ්‍ය ප්‍රකාශක ප්‍රියන්ත ජයකොඩි

ඥනසාර හිමියන් පිළිබඳ තොරතුරක්‌ වෙතොත් ලගම පොලිසියට දැනුම් දෙන්න බොදුබල සේනා සංවිධානයේ මහ ලේකම් ගලගොඩඅත්තේ …

Leave a Reply

Your email address will not be published. Required fields are marked *

error: Content is protected !!